شريف وللشرف فيني علامه

بديت القول بسم الله ربي
عزيز الجاه ما غيره مربي
يفرج كل صكاتي وكربي
عزيز الجاه وانا قد رجيته

وفيما بعد تسليمي عليكم
وقلبي منكم يصدر واليكم
اشوف اني مجرد من هليكم
وبيت الشعر من قلبي بنيته

علام الزين روح ما دعاني
وله في داخل اعماقي مكاني
ولا يحتاج مني ترجماني
خصوص القول بسمه قد حكيته

الا يا احمد اليك اليوم حبي
وقلبي في فراقك قد لعبي
ولو ناديتني جيتك ملبي
ولكن بسم الهاجس بديته

شريف يسوق شعره دون قاصر
ينادونه هل المعروف ناصر
ودايم للحقايق هو مناصر
وحق الله باخلاقي رعيته

شريف وللشرف فيني علامه
وساسي ثابت بسمي مقامه
سليل رجال تنتال الزعامه
شريف وعزي بخطي قريته

سلامي للعموم وللجماعه
هل التقدير واصلاب الشجاعه
بني هاشم لهم دايم مناعه
وضيم الوقت للخالق شكيته

وختم القول صلى الله وسلم
على خير البريه والمعلم
عموم الكون من قبله مظلم
محمد واله وشعري نهيته